مطیع اللہ جان کے اغواءپرصحافتی قیادت کی مذمت

2 weeks ago


وفاقی وزیراطلاعات شبلی فرازسے نوٹس لینے کامطالبہ

سینئرصحافی اورسوشل میڈیاایکٹوسٹ مطیع اللہ جان کواغواءکئے جانے پرنیشنل پریس کلب کے سابق صدور فاروق فیصل خان، شہریار خان،شکیل قراراورآرآئی یوجے کے سابق صدروقارستی نے شدیدمذمت کرتے ہوئے ان کی فوری بازیابی کامطالبہ کردیا۔ انہوں نے حکومت سے مطالبہ کیاکہ وفاقی وزیراطلاعات شبلی فراز،مطیع اللہ جان کے بارے میں صحافی برادری کوآگاہ کریں۔اس سلسلے میں فوری طورپرصحافتی قیادت نے ہنگامی اجلاس طلب کرلیاہے جس میں آئندہ کے لائحہ عمل پرغورکیاجائے گا۔ واضح رہے سینئرصحافی اورسپریم کورٹ کے رپورٹرمطیع اللہ جان کوآج، جی6 سے نامعلوم افرادنے اغواءکرلیاہے۔انہیں اسلام آبادگرلزسکول کے باہرسے اٹھایاگیاجہاں ان کی اہلیہ کام کرتی ہے۔خاندانی ذرائع کے مطابق مطیع اللہ جان اپنی اہلیہ کولینے کے لئے سکول پہنچے تھے ان کی اہلیہ سکول کے اندرکافی دیرتک ان کاانتظارکرتی رہیں جب انہوں نے سکول سے باہرنکل کردیکھاتومطیع اللہ کی گاڑی کھڑی تھی مگرمطیع اللہ وہاں موجودنہ تھے۔گاڑی کی چابی گاڑی کے اندرموجودتھی اوراس کے شیشے کھلے تھے۔گاڑی کواس حالت میں دیکھ کران کی اہلیہ نے مطیع اللہ جان کوتلاش کرناشروع کیامگروہ کہیں قریب نظرنہ آئے۔بعدمیں انہوں نے قریبی علاقوں میں بھی ان کوتلاش کیااوران کے قریبی دوستوں سے رابطہ کرکے ان کے بارے میں پوچھامگرکسی کوان کے بارے علم نہ تھا۔ذرائع کے مطابق کچھ نامعلوم افرادنے انہیں گاڑی سے نکال کراپنے ساتھ چلنے کے لئے کہاتھا۔واضح رہے ان پرتوہین عدالت کابھی ایک مقدمہ زیرسماعت ہے اوروہ سوشل ایکٹوسٹ بھی ہیں۔

شیئر کریں



یہ بھی پڑھیے


ملک بھر کے تعلیمی ادارے 15 ستمبر سے کھولنے پراتفاق
جماعت اسلامی کی کشمیرریلی میں دھماکہ،7افرادزخمی
اے پی ایس انکوائری کمیشن رپورٹ، حکومت سے 4 ہفتوں میں جواب طلب

ڈاکٹرفیصل سلطان معاون خصوصی برائے صحت مقرر

5 days ago


وہ عمران خان کی حکومت میں صحت کی وزارت کے تیسرے وزیربنے ہیں

وزیراعظم عمران خان نے ڈاکٹرفیصل سلطان کومعاون خصوصی برائے صحت مقررکردیاہے۔ان کاعہدہ وفاقی وزیرکے برابرہوگا۔ڈاکٹرفیصل سلطان اس سے قبل نیشنل ہیلتھ ٹاسک فورس کے رکن اورشوکت خانم میموریل کینسر ہسپتال کے چیف ایگزیکٹوافسرکے طورپرکام کررہے تھے۔ ابھی یہ واضح نہیں ہے کہ ڈاکٹرفیصل نے شوکت خانم میموریل کینسرہسپتال کے چیف ایگزیکٹوافسرکے استعفیٰ دیاہے کہ نہیں۔وزیراعظم عمران خان کے دوسالہ دورحکومت میں ڈاکٹرفیصل صحت کے تیسرے وفاقی وزیرہیں اس سے قبل عامرکیانی وزیرصحت مقررہوئے تھے اوران پرادویات کی قیمتوں میں اربوں روپے کی کرپشن کاالزام لگاتھاجس پروزیراعظم نے ان سے استعفیٰ لے لیااورانہیں تحریک انصاف کا سیکرٹری جنرل مقررکردیا۔ان کے بعدعالمی ادارہ صحت میں کام کرنے والے ڈاکٹرظفرمرزاکواحساس پروگرام کی سربراہ ثانیہ نشترکی سفارش پرمشیربرائے صحت مقررکیاتھا۔ان پربھی چندروزقبل کرپشن کے الزامات لگے جس پران سے استعفیٰ لے لیاگیاتھا۔اب وزیراعظم نے اپنے ہی ہسپتال کے سی ای او کو وفاقی وزیربرائے صحت کاعہدہ دے دیاہے۔یہ امرقابل ذکرہے کہ عمران خان مفادات کے ٹکراﺅکے سخت ناقدرہے ہیں مگراب انہوں نے ایک نجی ہسپتال جس کے وہ خودہی ٹرسٹی ہیں کے سی ای اوکووفاقی وزیرکاعہدہ دے دیاہے۔



پاکستان میں غذائی قلت، عالمی بنک نے چار سو ملین ڈالر کا قرض منظور کر لیا

1 week ago


دو سو ملین ڈالر سکولوں کے لئے دیئے گئے ہیں

عالمی بینک کے بورڈ أف ڈائریکٹرز نے پاکستان میں ٹڈی دل کے حملے کے باعث پیدا ہونے والی غذائی قلت کو کم کرنے اور کویڈ 19 کے باعث سکولوں کی بندش کی وجہ سے تعلیم کا سلسلہ جاری رکھنے کے لئے چالیس کروڑ ڈالر کا أسان قرضہ منظور کر لیا ہے۔ عالمی بینک کی پریس ریلیز کے مطابق اس قرضے میں دو سو ملین ڈالر غذائی قلت پر قابو پانے اور دو سو ملین ڈالر تعلیمی پروگرام کے لئے ہیں۔ پاکستان میں ورلڈ بینک کے کنٹری ڈائریکٹر الانگو پچماماتھو کا کہنا ہے کہ ٹڈی دل کے حملے اور کرونا کی وجہ سے پاکستان میں غذائی قلت اور تعلیمی اداروں کا چیلنجز کا سامنا ہے۔



کراچی میں اربن فلڈنگ،انتظامیہ کی مددکیلئے فوج طلب

1 week ago


وزیراعظم نے تعیناتی کی منظوری دی تھی

وفاقی کابینہ نے کراچی میں اربن فلڈنگ کے معاملے پر فوج کی خدمات لینے اور تعیناتی کی منظوری دے دی۔نیشنل ڈیزاسٹر منیجمنٹ اتھارٹی (این ڈی ایم اے) نے فوج کی کراچی میں تعیناتی کے حوالے سے سمری وزیر اعظم کو پیش کی تھی۔کابینہ ڈویژن سے وزیر اعظم نے سرکولیشن کے ذریعے سمری کی منظوری کے احکامات جاری کئے۔ دوسری جانب پاک فوج کے شعبہ تعلقات عامہ (آئی ایس پی آر) سے جاری بیان میں کہا گیا ہے کہ کراچی میں اربن فلڈنگ کی صورتحال بہتر بنانے میں سول انتظامیہ کی مدد کے لئے فوج کو طلب کرلیا گیا ہے۔